|
- Det starta med ein tilsett i mai 2006, og da
var vi spente på om det vart nok å gjera. Trudde vel at eg måtte
tilførast oppdrag frå Vestlandet, men det vart faktisk motsett. Vi har
fått overraskande mange oppdrag, seier Steinar Løkken, første tilsette
som bygningsingeniør da rådgjevings- og planleggingsfirmaet Nordplan i
Nordfjordeid etablerte ny avdeling i Vågå attåt Førde og Ålesund.
 Nå er han i tillegg kontorleiar for fire som blir til fem 1. august. Da vender Gunnar Vole (31) heim att etter seks år i Oslo og leiarjobb i Geo Survey as. Vågå-avdelinga
har to arkitektar, ein landskapsarkitekt og tre ingeniørar innan bygg,
vatn- og avløp og stikking. Nordplan har i alt 32 tilsette.
-
Vole har tileigna seg høg kompetanse og vil vera sentral i arbeidet
vårt med å kunne tilby ei totalpakke til både privat og offentleg
verksemd innan arkitektur, konstruksjon og landskap, seier Løkken,
stolt over at moderfirmaet vel å leggje denne spesialkompetansen til
Vågå.
Foto: Steinar Løkken
Så vidt han veit, er det ingen andre som har dette som
spesialfelt i Gudbrandsdalen. Satsinga medfører innkjøp av moderne
satelittutstyr (GPS) til 400.000 kroner.
- På denne måten kan
vi vidareføre våre prosjekt frå teiknebordet og ut i terrenget, anten
det er bygg, veg eller vatn- og avløp, seier Løkken, han ser ikkje bort
frå at det kan bli aktuelt å auke bemanninga med eit par til. Det er
stort press på vegplanlegging, spesielt på Vestlandet, og firmaet er på
utkik etter vegingeniør.
- Vi treng nok meir plass, men vil helst halde fram i Vågå næringshage. Her er det eit fint miljø, seier Løkken.
Arbeidsoppgåvene
er varierte frå hytter og bustader til hotell, varehus og istunnel. For
tida er nytt handelssenter på Otta og nytt hotell på Dombås av dei
største.
Kilde: Næringshagen Nord-Gudbrandsdal / GD
 Næringshagen Nord-Gudbrandsdal er et aksjeselskap
som arbeider for å bistå næringsdrivende og utvikle næringslivet i
distriktet. Næringshagen er med i statens næringshageprogram, og har
lokale næringshager i kommunene Dovre, Lesja, Lom, Sel, Skjåk og Vågå. Les mer om Næringshagen Nord-Gudbrandsdal her
|
