|
Grunnleggaren Mats Aleksander Mikalsen ville starte ei fjesbokgruppe
med vitugt innhald for folk med felles interesse i å hindre distrikta i
å døy ut.– Eg tenkte at vener kunne invitere vener og kanskje nokre til, men eg fekk ein respons eg aldri hadde drøymt om.
Sterk marknadsføring
–
Sosiale medium er ein sterk marknadsføringskanal og ein utmerkt kanal
for å treffe mine målgrupper. Det gjeld blant anna sentralisert, urban
ungdom, poengterer Mikalsen. Han er genuint interessert i
regionalpolitikk og har ei grunnleggande redsle for at han etter endt
utdanning ikkje skal ha noko lokalsamfunn å flytte tilbake til. Politikk er mi store interesse, og for meg er politikk distriktsutvikling, seier Mikalsen.
Gir distriktet nytt ansikt
– Eg trefte tydeleg
noko som folk er opptatt av, og som engasjerer. Det var behov for eit
diskusjonsforum som dette blant folk som er opptekne av
distriktspolitikk. Det har vorte eit forum som presenterer distriktet
på ein heilt ny måte, seier Mikaelsen.
Mats Aleksander Mikalsen starta ei Facebookgruppe for å bidra til å sette eit positivt lys på distrikta. Den veks i rekordfart!
Folk som bur i distriktskommunane, ynsjer å prøve å bu her,
eller som vil flytte attende lagar innhaldet. Medlemmane legg inn
lenker, diskuterer, gjev råd og deler tankar og erfaringar på
Facebooksidene. Kommunar og andre som arbeider med tilflytting kan vise
seg fram til grupper dei kanskje ellers ikkje når. – Ikkje minst har sidene blitt eit nettverk mellom folk som vil skape liv i distrikta, seier Mikalsen.
Uformell forsking
Kva konklusjonar trekkjer psykologistudenten Mikalsen så langt av det han kallar ei litt uformell forsking på Facebook? - Ungdom flyttar for å ta utdanning, andre følgjer etter fordi venene dreg, seier Mikalsen. - Ungdom
etablerer seg ikkje i distrikta utan ein nær, sosial omgangskrins. Eg
har også fått opp augo opp for kor viktig det er med god utbygging av
kollektivtransport for å få miljømedvitne unge menneske til å etablere
seg. Dei er mest opptekne av gode oppvekstkår for borna, og dei vil
ikkje vere avhengig av privatbil.
Folk treng hus
– Husmangel er eit problem eg
ikkje trudde var så stort. Viljen til å flytte attende er absolutt
tilstades, men på grunn av husmangel blir ikkje draummane realiserte.
Mange hus står tomme, men eigarane vil ikkje selje. Dette gjeld nok
kystkommunane i enda større grad enn innlandskommunane, meiner Mats
Mikalsen.
Facebooksidene om distrikts- og regionalpolitikk
Artikkel hentet fra Regionalnytt nr 6 2010
|
